06-12 Tetor, 2022

hero-title-image

Edicioni 5

RRETH EVENTIT

Prishtina International Vocal Festival këtë vit shënon edicionin e pestë me radhë, duke vazhduar rrugëtimin e tij në sjelljen e risive për publikun shqiptar, me një program të pasur e atraktiv duke ruajtur gjithmonë fokusin në qëllimin kryesor- promovimin e muzikës vokale në vendin tonë dhe tutje, të afirmojë vlerat krijuese të kompozitorëve shqiptarë përmes -interpretimit të veprave të tyre nga artistë të huaj dhe vendor. Përgjatë këtyre pesë viteve, festivali, ka mledhur në skenën e vendit tonë ansamble, kore e artistë të shquar me renome të lartë ndërkombëtare. Përmes këtyre prurjeve në vendin tonë, ne si festival synojmë të motivojmë të rinjët për promovimin e muzikë artistike vokale me përmbajtje kombëtare, ndërgjegjësimi dhe stimulimi i muzicientëve, institucioneve arsimore, qendrave të edukimit që muzikën vokale, veprat vokale me motive kombëtare, veprat e kompozitorëve shqiptarë të jenë në programet e tyre edukativo-arsimore. Këtë vit, festivalin e nisëm me një koncert i cili i parapriu edicionit të pestë, koncert ky i mbajtur në muajin maj, ku të ftuar në skenë kishim mexosopranon Elikonë Hysaj Shala nën shoqërimin e pianistest Pranvera Hoxha Bryma, me mysafirë special, korin e fëmijëve dhe të grave “Okarina” të cilët sollën një program shumë simpatik dhe atraktiv. Në vazhdën e festivalit këtë edicion do sjellim dhe 4 netë me koncerte të pasura me vokale të ndryshme, laramani veprash e kompozitorësh vendor dhe të huaj; dhe me një ndryshim nga vitet e kaluara këtë edicion përveç netëve koncertale kemi organizuar një panel diskutimi me kompozitorin e njohur botëror Ēriks Ešenvalds, një diskutim rreth veprës Legjenda e gruas së murosur, vepër e kompozuar nga Ešenvalds e cila ndërtohet mbi motivet e muzikës së Jugut të Shqipërisë. Hapja e këtij edicioni do bëhet me Ansamblin “Argjiro” të cilët do interpretojnë perla të muzikës karakteristike labe, trashëgiminë dhe pasurinë e muzikës vokale shqiptare, këngë si: epike, lirike, dashurie, trimërie etj; duke vazhduar me panelin e diskutimit rreth krijimtarisë së kompozitorit të njohur botërisht me prejardhje nga Letonia- Ēriks Ešenvalds, panel i udhëhequr nga vet ai. Nata e dytë e festivalit do vazhdojë me The Swingle Singers- ansambli me renome botërore, fitues të 5 çmimeve Grammy Awards, për herë të parë në Kosovë duke sjellur programin e tyre atraktiv përmes këndimit shumë specifik me efekte vokale dhe program të përzgjedhur me pjesë mjaft interesante. Nata e tretë e PIVF do vazhdoj me koncertin recital të sopranos sonë Arta Jashari e shoqëruar nga pianistja Pranvera Hoxha Bryma. “Mbi Re” është quajtur programi i cili përmban këngë të përpunuara dhe të mirëfillta shqipe të së madhes Nexhmije Pagarusha. Dhe nata e katërt dhe përmbyllëse e festivalit sjell në skenë Korin e Filharmonisë së Kosovës të udhëhequr nga kompozitori, dirigjenti Ēriks Ešenvalds të cilët do interpretojnë program me vepra nga kompozitor të ndryshëm duke përfshirë dhe vepra nga krijimtaria e Ešenvalds si dhe kompozitorëve shqiptarë.

Bashkohuni me komunitetin tonë dhe mos ngurroni të na kontaktoni përmes profileve tona sociale